Fakulteti i Historisë dhe i Filologjisë (FHF)

Fakulteti i Historisë dhe i Filologjisë është krijuar në vitin 1951, si pjesë e Institutit të Lartë Pedagogjik, që ka qenë institucioni i parë në Shqipëri për përgatitjen e mësuesve me arsim të lartë për shkencat shoqërore dhe natyrore. Me krijimin e Universitetit Shtetëror të Tiranës, në vitin 1957, Fakulteti i Historisë dhe i Filologjisë u bë një nga shtatë fakultetet e tij.Një ndihmesë të çmuar ka dhënë Fakulteti i Historisë dhe i Filologjisë për përgatitjen e studenteve të huaj si përkthyes, gjuhëtarë, historianë, studiues të letërsisë shqiptare, etj. Prej vitit akademik 1994-1995 kanë rifilluar të funksionojnë edhe kurset e verës të gjuhës dhe të kulturës shqipe, në të cilat marrin pjesë studentë nga vende të ndryshme të botës. Në vitin 2012 krijohet në këtë fakultet Departamenti i Arkeologjisë.

Faqja zyrtare e Fakultetit: fhf-ut.edu.al.